SURAH AL KAUSAR
Importance of Surah al kausar
حضور صلی اللہ علیہ وآلہ وسلم کے بڑے صاحبزادے حضرت قاسمؓ کی وفات کے بعد جب انکے چھوٹے صاحبزادے حضرت عبداللؓہ کا بھی انتقال ہوگیا تو عرب کے کفار بہت خوش ہوئے۔ خونی رشتوں کی عرب میں بہت اہمیت تھی۔ مگر آپ صلی اللہ علیہ وسلم کا چچا ابولہب تو آپ صلی اللہ علیہ وآلہ وسلم کو تکلیف میں دیکھ کر خوش ہوا کرتا تھا۔ جب یہ تکلیف آپ صلی اللہ علیہ وآلہ وسلم پر آئی تو اسکی تو جیسے عید ہوگئی۔ صبح ہوئی تو وہ دوڑا دوڑا گیا اور گھر گھر یہ خبر پہنچانے لگا کہ: "(ابتر محمد اللیلتہ) آج رات محمد کی جڑ کٹ گئی۔ اور وہ لا ولد (بے نسل) ہوگئے"۔ (نعوذ باللہ)۔
اس کے بعد مکہ کے ایک سردار عاص بن وائل نے آپ صلی اللہ علیہ وآلہ وسلم کے لئے ابتر کا لفظ خاص کر دیا۔ جب بھی کوئی آپ صلی اللہ علیہ وآلہ وسلم کا ذکر کرتا تو وہ فوراً منہ بنا کر کہتا کہ: "ان کی کیا بات کرتے ہو؟ وہ تو ابتر (جڑ کٹے) آدمی ہیں"۔ (نعوذ باللہ)۔ اس نے اس ابتر والی بات کو خوب پھیلایا۔ یہ بات دو دھاری تلوار کی طرح تھی۔ اس سے انکا ایک مقصد تو یہ تھا کہ آپ صلی اللہ علیہ وآلہ وسلم کو اپنے صاحبزادوں کے انتقال کا غم ستاتا رہے۔ اور دوسرا مفصد یہ کہ لوگوں کے ذہنوں میں یہ بات بٹھا دی جائے کہ آپ صلی اللہ علیہ وآلہ وسلم اپنی قوم سے کٹ کر اس درخت کی مانند ہوگئے ہیں جس کی جڑیں کٹ گئی ہوں اور اب وہ گرنے ہی والا ہو۔ ( استغفراللہ)۔
عاص بن وائل طنزاً لوگوں سے کہتا کہ یہ بے نسل رہ گئے۔ انکا کوئی نام لیوا نہیں ہوگا۔ انکی وفات کے بعد انکا نام بھی مٹ جائے گا اور تمہاری جان ان سے چھوٹ جائے گی۔ اپنی قوم سے تو یہ تب سے ہی لاتعلق ہوگئے تھے جب انہوں نے انکے شرک کو اعلانیہ برا بھلا کہا تھا۔ تجارت انکی تباہ ہوگئی اور بیٹے انکے نہ رہے۔ اب تو یہ بے نسل رہ گئے ہیں۔
یہ تھے وہ انتہائی دل شکن حالات جن میں سورۃ الکوثر نازل کی گئی۔ قریش اس لئے آپ صلی اللہ علیہ وسلم سے بگڑے تھے کہ آپ ﷺ صرف ایک اللہ کی بندگی و عبادت کرتے تھے اور کفار کے شرک کی مخالفت کرتے تھے۔ اسی وجہ سے پوری قوم میں آپ ﷺ کو جو مرتبہ نبوت سے پہلے حاصل تھا وہ چھین لیا گیا۔ برادری آپ ﷺ کی مخالف ہوگئی۔ آپ ﷺ کے چند مٹھی بھر ساتھی بے یار و مددگار اور ظلم و ستم کا شکار تھے۔ اس پر مزید ایک بیٹے کی وفات سے غموں کا پہاڑ ٹوٹ پڑا تھا۔ اس موقع پر عزیزوں ، رشتہ داروں ، قبیلے اور ہمسائیوں کی طرف سے ہمدردی و تعزیت کی بجائے وہ خوشیاں منائی جا رہی تھیں اور وہ باتیں بنائی جا رہی تھیں جو ایک شریف دل انسان کے لئے دل توڑ دینے والی تھیں۔ جس انسان نے اپنے تو اپنے، غیروں سے بھی ہمیشہ نیک سلوک کیا تھا۔
اس موقع پر اللہ تعالٰی نے لفظ ابتر کے مقابلے میں سورۃ کوثر کو نازل فرمایا۔ مختصر سے فقرے میں آپ ﷺ کو وہ خوشخبری دی گئی جو پہلے کبھی کسی کو نہ دی گئی تھی۔ اور ساتھ ہی یہ فیصلہ بھی سنا دیا گیا کہ آپ ﷺ کے مخالفوں کی ہی جڑ کٹ جائے گی اور یہی ابتر اور بے نام و نشان رہ جائیں گے۔
___"اے نبی ! ہم نے تمہیں کوثر عطا کر دیا۔ پس تم اپنے رب ہی کے لئے نماز پڑھو اور قربانی کرو۔ بے شک تمہارا دشمن ہی جڑ کٹا ہے"۔
[القرآن۔سورتہ الکوثر]
جب یہ سورۃ نازل ہوئی اور آپ صلی اللہ علیہ وآلہ وسلم نے مخالفین کے سامنے پڑھی گئی تو وہ اس کے ادبی حسن سے مبہوت رہ گئے۔ لیکن انہیں لفظ کوثر کے بارے میں کچھ معلوم نہ تھا۔ چنانچہ وہ لفظ ابتر کو بھول گئے اور لفظ کوثر کے پیچھے پڑ گئے کہ آخر اسکا کیا مطلب ہے؟
لوگ ایک دوسرے سے پوچھنے لگے کہ یہ کوثر کیا ہے؟ لوگ ماہرین کلام کے آگے پیچھے پھرنے لگے۔ ہر بازار ، ہر گلی ، ہر کوچہ ، ہر محفل میں بس ایک ہی لفظ کی تکرار رہ گئی۔ لفظ ابتر کے مقابلے میں لفظ کوثر کا صوتی حسن بہت زیادہ ہے۔ حتیٰ کے لوگوں نے آپ صلی اللہ علیہ وآلہ وسلم سے اور آپ صلی اللہ علیہ وآلہ وسلم کے ساتھیوں سے رجوع کیا اور لفظ کوثر کا مطلب پوچھا۔ اس طرح لفظ کوثر نے مخالفین کے پروپیگنڈے کے پرخچے اڑا کر رکھ دیئے۔ وہ مخالفین جو ابتر ابتر کہتے پھرتے تھے ان پر ایک زبردست ضرب لگائی گئی کہ تم مخالف ہی جڑ کٹے ہو۔ اللہ نے تو اپنے نبی کو کوثر عطا کیا ہے۔ اور بتا دیا کہ اے نبی ! تمہارے دشمن سمجھتے ہیں کہ تم برباد ہوگئے؟ مال و اولاد اور تعلقات سب لٹ گیا؟ نہیں، اللہ نے تو تمہیں بے انتہا خیر اور بے شمار نعمتیں دی ہیں۔ بیٹے نہ رہے تو کیا ہوا؟ اللہ نے ایک بیٹی سے تمہاری نسل چلا دی۔ ایک بلند پایہ امت کا نبی بنا دیا۔ اعلٰی اخلاق کی بے نظیر خوبیاں دی گئیں۔ پھر نبوت ، قرآن اور علم و حکمت کی عظیم تر نعمتیں دی گئیں۔ اسکے بعد توحید پر مبنی ایک ایسے نظام زندگی کی نعمت دی جو کہ آگے سے آگے پھیلنے کی طاقت رکھتی ہے۔ اور اسکے بعد آخرت میں حوض کوثر کی وہ نعمت دی جو کسی دوسرے انسان کو نہ دی گئی۔
یہی وہ نعمت ہے کہ 1400 سال بعد بھی آپ ﷺ کا نام ویسے کا ویسا ہی بلند ہے۔ بڑے سے بڑا مخالف بھی آپ ﷺ کے نام اور آپ کے پیروکار نہ مٹا سکا۔ یہی وہ خیر کثیر ہے کہ آپ ﷺ کی امت دنیا میں دین حق کی علمبردار بن گئی۔ جس سے زیادہ پاکیزہ، نیک اور بلند پایہ انسان دوسری کسی امت میں پیدا نہ ہوئے۔ اور یہی وہ امت ہے جو بگاڑ کی حالت کو پہنچ کر بھی سب سے زیادہ خیر کا عنصر اپنے اندر لئے ہوئے ہے۔
سلام ہو ایسے نبی ﷺ پر۔ اور سلام ہو اس کلام کی طاقت پر۔
اس کے بعد مکہ کے ایک سردار عاص بن وائل نے آپ صلی اللہ علیہ وآلہ وسلم کے لئے ابتر کا لفظ خاص کر دیا۔ جب بھی کوئی آپ صلی اللہ علیہ وآلہ وسلم کا ذکر کرتا تو وہ فوراً منہ بنا کر کہتا کہ: "ان کی کیا بات کرتے ہو؟ وہ تو ابتر (جڑ کٹے) آدمی ہیں"۔ (نعوذ باللہ)۔ اس نے اس ابتر والی بات کو خوب پھیلایا۔ یہ بات دو دھاری تلوار کی طرح تھی۔ اس سے انکا ایک مقصد تو یہ تھا کہ آپ صلی اللہ علیہ وآلہ وسلم کو اپنے صاحبزادوں کے انتقال کا غم ستاتا رہے۔ اور دوسرا مفصد یہ کہ لوگوں کے ذہنوں میں یہ بات بٹھا دی جائے کہ آپ صلی اللہ علیہ وآلہ وسلم اپنی قوم سے کٹ کر اس درخت کی مانند ہوگئے ہیں جس کی جڑیں کٹ گئی ہوں اور اب وہ گرنے ہی والا ہو۔ ( استغفراللہ)۔
عاص بن وائل طنزاً لوگوں سے کہتا کہ یہ بے نسل رہ گئے۔ انکا کوئی نام لیوا نہیں ہوگا۔ انکی وفات کے بعد انکا نام بھی مٹ جائے گا اور تمہاری جان ان سے چھوٹ جائے گی۔ اپنی قوم سے تو یہ تب سے ہی لاتعلق ہوگئے تھے جب انہوں نے انکے شرک کو اعلانیہ برا بھلا کہا تھا۔ تجارت انکی تباہ ہوگئی اور بیٹے انکے نہ رہے۔ اب تو یہ بے نسل رہ گئے ہیں۔
یہ تھے وہ انتہائی دل شکن حالات جن میں سورۃ الکوثر نازل کی گئی۔ قریش اس لئے آپ صلی اللہ علیہ وسلم سے بگڑے تھے کہ آپ ﷺ صرف ایک اللہ کی بندگی و عبادت کرتے تھے اور کفار کے شرک کی مخالفت کرتے تھے۔ اسی وجہ سے پوری قوم میں آپ ﷺ کو جو مرتبہ نبوت سے پہلے حاصل تھا وہ چھین لیا گیا۔ برادری آپ ﷺ کی مخالف ہوگئی۔ آپ ﷺ کے چند مٹھی بھر ساتھی بے یار و مددگار اور ظلم و ستم کا شکار تھے۔ اس پر مزید ایک بیٹے کی وفات سے غموں کا پہاڑ ٹوٹ پڑا تھا۔ اس موقع پر عزیزوں ، رشتہ داروں ، قبیلے اور ہمسائیوں کی طرف سے ہمدردی و تعزیت کی بجائے وہ خوشیاں منائی جا رہی تھیں اور وہ باتیں بنائی جا رہی تھیں جو ایک شریف دل انسان کے لئے دل توڑ دینے والی تھیں۔ جس انسان نے اپنے تو اپنے، غیروں سے بھی ہمیشہ نیک سلوک کیا تھا۔
اس موقع پر اللہ تعالٰی نے لفظ ابتر کے مقابلے میں سورۃ کوثر کو نازل فرمایا۔ مختصر سے فقرے میں آپ ﷺ کو وہ خوشخبری دی گئی جو پہلے کبھی کسی کو نہ دی گئی تھی۔ اور ساتھ ہی یہ فیصلہ بھی سنا دیا گیا کہ آپ ﷺ کے مخالفوں کی ہی جڑ کٹ جائے گی اور یہی ابتر اور بے نام و نشان رہ جائیں گے۔
___"اے نبی ! ہم نے تمہیں کوثر عطا کر دیا۔ پس تم اپنے رب ہی کے لئے نماز پڑھو اور قربانی کرو۔ بے شک تمہارا دشمن ہی جڑ کٹا ہے"۔
[القرآن۔سورتہ الکوثر]
جب یہ سورۃ نازل ہوئی اور آپ صلی اللہ علیہ وآلہ وسلم نے مخالفین کے سامنے پڑھی گئی تو وہ اس کے ادبی حسن سے مبہوت رہ گئے۔ لیکن انہیں لفظ کوثر کے بارے میں کچھ معلوم نہ تھا۔ چنانچہ وہ لفظ ابتر کو بھول گئے اور لفظ کوثر کے پیچھے پڑ گئے کہ آخر اسکا کیا مطلب ہے؟
لوگ ایک دوسرے سے پوچھنے لگے کہ یہ کوثر کیا ہے؟ لوگ ماہرین کلام کے آگے پیچھے پھرنے لگے۔ ہر بازار ، ہر گلی ، ہر کوچہ ، ہر محفل میں بس ایک ہی لفظ کی تکرار رہ گئی۔ لفظ ابتر کے مقابلے میں لفظ کوثر کا صوتی حسن بہت زیادہ ہے۔ حتیٰ کے لوگوں نے آپ صلی اللہ علیہ وآلہ وسلم سے اور آپ صلی اللہ علیہ وآلہ وسلم کے ساتھیوں سے رجوع کیا اور لفظ کوثر کا مطلب پوچھا۔ اس طرح لفظ کوثر نے مخالفین کے پروپیگنڈے کے پرخچے اڑا کر رکھ دیئے۔ وہ مخالفین جو ابتر ابتر کہتے پھرتے تھے ان پر ایک زبردست ضرب لگائی گئی کہ تم مخالف ہی جڑ کٹے ہو۔ اللہ نے تو اپنے نبی کو کوثر عطا کیا ہے۔ اور بتا دیا کہ اے نبی ! تمہارے دشمن سمجھتے ہیں کہ تم برباد ہوگئے؟ مال و اولاد اور تعلقات سب لٹ گیا؟ نہیں، اللہ نے تو تمہیں بے انتہا خیر اور بے شمار نعمتیں دی ہیں۔ بیٹے نہ رہے تو کیا ہوا؟ اللہ نے ایک بیٹی سے تمہاری نسل چلا دی۔ ایک بلند پایہ امت کا نبی بنا دیا۔ اعلٰی اخلاق کی بے نظیر خوبیاں دی گئیں۔ پھر نبوت ، قرآن اور علم و حکمت کی عظیم تر نعمتیں دی گئیں۔ اسکے بعد توحید پر مبنی ایک ایسے نظام زندگی کی نعمت دی جو کہ آگے سے آگے پھیلنے کی طاقت رکھتی ہے۔ اور اسکے بعد آخرت میں حوض کوثر کی وہ نعمت دی جو کسی دوسرے انسان کو نہ دی گئی۔
یہی وہ نعمت ہے کہ 1400 سال بعد بھی آپ ﷺ کا نام ویسے کا ویسا ہی بلند ہے۔ بڑے سے بڑا مخالف بھی آپ ﷺ کے نام اور آپ کے پیروکار نہ مٹا سکا۔ یہی وہ خیر کثیر ہے کہ آپ ﷺ کی امت دنیا میں دین حق کی علمبردار بن گئی۔ جس سے زیادہ پاکیزہ، نیک اور بلند پایہ انسان دوسری کسی امت میں پیدا نہ ہوئے۔ اور یہی وہ امت ہے جو بگاڑ کی حالت کو پہنچ کر بھی سب سے زیادہ خیر کا عنصر اپنے اندر لئے ہوئے ہے۔
سلام ہو ایسے نبی ﷺ پر۔ اور سلام ہو اس کلام کی طاقت پر۔
