PAIGHAM 786

Hazrat Abu Bakr R.A ka sabr-o-isteqamat

Hazrat Abu Hurerah kehtay hain, us hi waqt Abu Bakr aye aur Umar R.A ki guftugo ki traf kuch mutawajjah na hue aur sedhay hujrah k andar dakhil hogae.
.
Rasool Allah ﷺ k ouper aik Yamni chadar daal rakhi thi. Hazrat Abu Bakr ne Rasool Allah ﷺ ka chehrah mubarak khool kar bosa dya aur farmaya,
..." Mere maa baap aap ﷺ per fida houn. Jo maut Allah Tala'a ne aap ﷺ k lye likhi thi, us ko aap ﷺ ne chakh lya hai. Ab is k baad aap ﷺ ko maut na phunchay gi..."
.
Phir Abu Bakr ne Rasool Allah ﷺ ka chehra mubarak dhak dya aur bahar aye.
Umar logoun se wo hi guftugo kar rahy thay.
Abu Bakr R.A ne kaha, "Umar peechay hato aur khamosh raho..."
Magar Umar khamosh na hue . Jab Abu Bakr ne dekha k Umar chup nahi hotay tau logoun ki traf mutawajjah hue. Logoun ne jab Abu Bakr ki baat suni tau sab un k pass agae aur Hazrat Umar ko chorr dya.
.
Abu Bakr ne Allah Ta'ala ki hamd-o-sana biyan ki, phir kaha,
.
...." Logo! Jo log Muhammad ﷺ ki ibadat aur parastish karty thay, tau sunn lain k Muhammad tau inteqal farma chukay hain.
Aur jo log Allah ki ibadat kartay hain tau Allah beshak zinda hai aur kabhi marnay wala nahi hai..."
Phir Abu Bakr R.A ne ye ayat parhi:
..Wama Muhammad ur Rasool....................Alakh...."
.
...Riwayat hai k Abu Bakr ne jab ye ayat parhi tau log aesay hogae k goya unho ne kabhi ye ayat suni hi na thi aur us waqt logoun ne hazrat Abu Bakr se is ayat ko yaad kia.
.
Umar R.A kehtay hain k jis waqt main ne Abu Bakr se ye ayat suni, mujh ko maloom hua k goya meray pair kat gae aur main khara na reh saka.
Us hi waqt zameen per gir para aur main ne samjh lya k Allah k akhri Rasool, Sawar-e-Kainat Hazrat Muhammad ﷺ ka wisaal hogya hai.
.........x..........THE END.........x...........

Hazrat Umar R.A. ki kefiyat: (Umar's reaction on Hazrat Muhammad's death)

Hazrat Abu Hurerah R.A. kehtay hain, jis waqt Rasool Allah ﷺ ka wisaal hua, Hazrat Umar kharay hue aur kehnay lagay,
.
"Munafiqoun me se kuch log ye kehtay hain k Rasool Akram ﷺ ka inteqal hogya. Halankay Khuda ki qasam aap ﷺ ka wisaal nahi hua hai. Bulkay aap ﷺ Khuda k pass tashreef lay gae hain, jesay k Hazrat Musa A.S Allah k pass gae thay aur 40 din k baad tashreef lay aye aur un k janay k baad logoun ne mash'hor kardya tha k un ka inteqal hogya.
Isi trah Rasool Allah ﷺ bhi tashreef lay ayengay.
Jo ye kahay ga k aap ﷺ ka inteqal hogya hai, main us k hath pair kaat dalounga..."

Hazrat Muhammad ﷺ ki wafat
.
Hazrat Ayesha R.A farmati hain, us hi roz jab Rasool Allah ﷺ masjid se tashreef laye tau meri goud me lait rahay.
Abu Bakr R.A k ghar waloun me se aik shakhs sabz/ green maswak lye hue mere pass aya. Rasool Kareem ﷺ ne us maswak ki traf dekh, main samjh gae k aap ﷺ us maswak ko lena chahtay hain.
.
Main ne arz kia, "Ya Rasool Allah ﷺ! Kia aap chahaty hain k main ye maswak aap ko de doun?, Aap ﷺ ne farmaya, "Haan"..
Pus main ne wo maswak laikar chabai aur narm kar k Aap ﷺ ko de di.
.
Aap ﷺ ne khoob maswak ki. Phir main ne dekha k Hazoor ﷺ ka badan bhari hogya aur achanak aap ﷺ ne ouper nigah kar k farmaya:
... "Bal Rafiq ul Aala'a Min al Jannah..."
Main ne kaha, qasam hai Us Zaat ki jis ne aap ﷺ ko haq k sath mab'oos kia k aap ko ikhtiyar dya gya aur aap ne ikhtiyar kar lya.
.
Ayesha R.A farmati hain, phir Rasool Allah ﷺ ka wisaal hogya.
Rasool Allah ﷺ ka meri goud me wisaal hua aur meri kam-umri aur na-waqfiyat ki ye baat thi k main aap ﷺ ka sir mubarak takya per rakh kar aurtoun k sath apna moun peetnay lagi

Masjid me tashreef-awri
.
Ibne Ishaq kehtay hain k, ... peer (Monday) k roz Subah k waqt Rasool Allah ﷺ sir ko bandhay hue tashreef laye, logoun ne aap ﷺ ki ahat sunn kar suf / row me jagha chorr di.
Abu Bakr R.A logoun ki ahat sunn kar samjh gae k Rasool Allah ﷺ ki tashreef-awri se suf me ye harkat hue hai.
Hazrat Abu Bakr peechay ko hatay, aap ﷺ ne apna hath Abu Bakr ki pusht/ back per rakh kar ishara kia k apni jagha kharay raho aur khud Rasool Allah ﷺ ne Abu Bakr k pehlo me beth kar namaz parhi.
.
Jab namaz se farigh hue tau logoun ki traf mutawajja ho kar aesi buland awaz se farmaya jo masjid se bahar tak ja rahi thi k :
......" Ae logo! aag roshan ho gae aur fitnay andheri raat k tukroun/ pieces ki trah agae hain.
Aur Khuda ki qasam! Main ne tumharay lye wo hi cheez halal ki hai jo Quran ne halal ki hai aur wo hi cheez haram ki hai, jo Quran ne haram ki hai..."
.
Phir Rasool Allah ﷺ jab us guftugo se farigh hue tau Abu Bakr ne arz kia, ....
....." Ya Nabi Allah ﷺ! Main dekhta houn k aap ne Allah k fazal aur nemat k sath subah ki hai, jaisa k hum chahtay hain. Aur aaj ka din binte Kharjah ka din hai, kia main us k pass se ho aaoun...?"
.
Hazoor ﷺ ne farmaya: "Haan"...
.
Phir Rasool Pak ﷺ apnay dolat khanay me dakhil / enter hogae aur Hazrat Abu Bakr apnay ghar chalay gae.

Wafat ka din: (Death day of Hazrat Muhammad ﷺ)

Riwayat hai k jab "do shumba" ka roz hua, jis me Hazrat Muhammad ﷺ ki wafat hue tau jis waqt subah ki namaz ho rahi thi, Aap ﷺ pardah utha kar hujray k darwazay per kharay hue.
Musalman namaz me aap ﷺ ki tashreef-awri ko dekh kar khushi k maray be-chain hogae.
Aap ﷺ ne musalmanoun ko namaz me dekh kar tabassum (smile) farmaya.
.
Anas R.A. kehtay hain, us waqt se zyada main ne kabhi Rasool Allah ﷺ ki surat ba-ronaq aur achi nahi dekhi thi.
Phir us k baad aap ﷺ wapis hujrah me tashreef lay gae. Aur log samjh gae k aap ﷺ ko marz se afaqa hogya.

k qasid / Messengers
.
Rawi kehta hai, phir Rasool Allah ﷺ ne maktoob likh kar apnay Sahabah ko inayat kye aur un ko Badshahoun ki traf rawana kia.
.
* Dahya bin Khalifa kalbi ko Qaisar Badshah Rome k pass.
* Abdullah bin Hazafah Sehmi ko kasra'a Badshah Faras k pass.
* Umroo bin Umayya ko Nijashi badshah Habsh ki traf.
* Hatib bin Abi Balta'a ko Maqooqas Badshah Misr/ Egypt k pass.
* Umroo binn A'as Sehmi ko Jalandi k dono betoun Haizer aur Ayyaz ki traf, ye dono Uman k badshah thay.
* Saleet bin Umroo Aamiri ko Yamama k Badshahoun Samama bin Asa'al aur Hoodah bin Elmi k pass.
* Ala'a bin Hazarmi ko Badshah Behreen Manzir bin Sawi k pass.
* Shuja'a bin Wahab Asadi ko Hasrat bin Abi Shamar Unsaani badshah Sarhad Shaam ki traf rawana kia

Hukmraan'oun ki traf aelchi: (Messengers to Rulers)

Rasool Allah ﷺ ne apnay sahabah ko na'amay (letters) de kar different badshahoun (kings) k pass rawana kia tha.
.
Riwayat hai k Hudebiyah k safar se wapis akar aik roz Rasool Allah ﷺ ne Sahaba Akraam se farmaya,
..."Ae logo! Mujh ko tamam alam k lye rehmat bana kar bheja hai. Pus tum mere ouper aesa ikhtelaf na karna, jaisa Esa A.S bin Maryam k logoun ne un per kia.
Matlab, Esa A.S ne un ko isi baat ki traf bulaya tha jis ki taraf main tum ko bulata houn. means badshahoun ki taraf messengers bana kar bhejnay k lye.
Pus jin logoun ko Esa ne qareeb k mulk me bheja tha, wo tau khushi se chalay gae, jin ko dour daraz mulk'oun me bheja tha wo sust hogae aur wahan jana un ko nagawar guzra .
..... Esa A.s ne un logoun ki Allah se shikayat ki. Allah Ta'ala ne un ki zubanain/ Languages us mulk ki kar di, jis ki traf Esa A.S ne bheja tha aur us he zuban me ye log bolnay lagay.

Haj-atul-widah (The Last Haj)

Haj ki tayyari:

Jab Ze-qa'ad ka month aya tau Rasool Allah ﷺ ne Haj ka irada kia aur logoun ko tayyari k lye hukm dya.
Hazrat Ayesha R.a farmati hain k Rasool Allah ne 25 Ze-qa'ad ko haj k lye safar kia.
Khutbah-e-Haj-atul-widah: (The Last Sermon):
Phir Rasool Allah ﷺ ne Haj kia aur logoun ko munasik-e-Haj means Haj k faeday aur tareeqay bataye. Phir Aap ﷺ ne aik taweel/ lengthy khutbah/ sermon parha aur bht se ahkamat ummat k lye biyan farmaye.
Rasool Allah ﷺ ne Hamd-o-Sanah k baad farmaya:
* Ae logo! Meri baat ghor se suno. Shayad main tum se is jagah aenda kabhi
mulaqat na karoun. Ae logo tumharay khoon aur tumharay maal apas me aik
dosray per haram hain, yahan tak k tum apnay Parwardigar se ja milo.
* Aur beshak tum apnay Parwardigar k hazoor me hazir ho gay aur Wo tum se
tumharay a'amal ka sawal karega.
* Logoun ko un ki amanatain wapis kar dya karo.
* Koi ksi qarazdaar se sood na lay. kioun k sood saqit kar dya gya hai.
* Apnay deen ki shetan se hifazat lazim hai.
* Ae logo! Tumhari aurtain tumhara farsh ksi bhi aesay shakhs k lye na lagain
jisay tum pasand nahi kartay aur koi fehash baat zahir na karain.
Pus agar wo aesa karain tau Allah Ta'ala ne tum ko hukm dya hai k tum un ko
apnay se juda sulao aur is trah se maro jo zyada takleef-dah na ho. Phir agar wo
un batoun se baaz ajaen tau un ka khana kapra hasb-e-heysiat tumharay
zimmah hai.
* Ae Logo! Aurtoun k sath bhalai karo, wo tumhari madadgaar hain aur apnay lye kuch ikhtiyar nahi rakhti. Aur tum ne un ko Khuda ki amanat k sath lya hai. aur Khuda k kalaam k sath unko halal kia hai. Pus Ae Logo! Meray in ahkaam ko khoob samjho.
* Mainay tum logoun me aik aesi cheez chori hai k agar is ko tum mazboot pakray raho gay tau kabhi gumrah na hogay , Kitab-e-Ilahi (Quran) aur Us k nabi ﷺ ki sunnat.
* Ae Logo! Meri in batoun ko suno aur khoob samjh lo k Muslaman musalman ka bhai hai aur sab musalman aik dosray k bhai hain. Pus musalman k maal me se dosray musalman ko koi cheez halal nahi hai siwa us cheez k jo wo khud apni khushi se bakhsh de. Bus tum aik dosray per zulm na karna.
* Phir Aap ﷺ ne farmaya: "Ae Allah! Kia men Teray ahkamaat bandoun ko phuncha dye?..."
Sab hazir'een ne arz kia, "Han beshak, aap ﷺ ne ahkamaat-e-Ilahi hum ko phuncha dye ..."
Rasool Allah ﷺ ne farmaya, ..."Ae Allah, Tu gawah ho ja..."

Ghazwah-e-Badr


Riwayat hai k Hazoor Pak ﷺ ko information mili k Abu Sufyaan, Mulk Shaam/ Syria se Quresh ka bht bara tijarti qafla (Business troop) lay kar arha hai, jis me 30, 40 log bht sara saman laa rahay hain.
.
Hazoor ﷺ ne sahaba ko jung / battle ki tayyari ka hukm dya.
Udhar Abu Sufyan ko bhi is tayyari ka ilm hogya. Us ne foran Makkah me Quresh k sardaroun ko itla'a di aur wahan Makkah se aik bht bara Lashkar / army aslaha (hathyar) se lais ho kar agaya.
.
Idhar Hazoor Pak ﷺ ko bhi us lashkar ki rawangi ka ilm hogya. Is trah Quresh kuffar k 2 lashkar thay. Aik maal wala. Dosra jung wala.
... Is ghazwah/ battle me muslims ki tadad 310 se kuch ouper thi. aur kuffar 900 se zyada thay.
Isi jung me Allah ne Farisht'oun/ Angels ki madad ki basharat di thi.
.
Dono lashkaroun ne Badr me parao dala. Subah ko amna samna hua tau Quresh ki traf se Utba bin Rabiya aur us k larkay Waleed aur Shiba pehlay pehal nikal kar aye.
Aur Muslims ki traf se un ka muqabla Hazrat Hamza, Hazrat Ali, aur Ubaida ne kia.
....Hazrat Ali aur Hazrat Hamza ne tau Shiba aur Waleed k sir kaat kar rakh dye. Jab k Utba aur Ubaidah ne aik dosray ko zakhmi kar dya.
Apnay mad-e-muqabil se nimat kar Hazrat Ali aur Hamza ne Utba ka kaam tamam kardya aur Ubaidah ko utha kar lashkar me lay aye.
.
Phir Kuffar ghazab se bharak uthay aur dono traf se ghumsan ka run para.
Hazrat Muhammad ﷺ ko dua karty karty oungh ne pakar lya, uthay tau khush thay, farmanay lagay, "wo dekho, Jibra'ael lashkar k sath aye hain.."
.
Aur phir Alhumdulillah Islam ka parcham buland hota gya, hatta k Makkah bhi fatah hogya
Is k baad Hajja-tul-Widah (The last Haj) ka waqiyah paish aya.

Madina me tashreef-Awri

Rasool Akram ﷺ Quba'a me Monday se Thursday tak rahay aur yahan ki masjid Quba'a ko aap ﷺ ne mazboot farmaya.
Phir aap ﷺ Jmmah/ friday ko madina ko chal paray.
.
Kuch log pehlay se aap ﷺ k pass phunchay aur arz kia k hamaray pass tashreef farma houn. Hamara sara qabeela aap ki khidmat o hifazat k lye hazir hai.
Magar aap ne ountni/ camel k iraday per chorr dya.
...... Hatta k Madina phunchnay tak aesa hi hota raha. Har koi aap ﷺ ko apna mehman bananay k lye koshish karta raha.
.
Magar Khuda k karna aesa hua k Madina phunch kar, different gali'oun me se guzar kar ountni Abu Ayyub Ansari k ghar k qareeb beth gae. Wo khushi se phoolay na samaye.
... Phir Hazrat Abu Ayyub Ansari ne khud lakri ka pala'an ountni se utara aur apnay ghar rakh dya aur aap ﷺ un k makan me thehar gae.

• Hijrat-e-Madina ka zikr

Phir Makkah me hi Rasool Allah ﷺ ko Meraj ka waqiyah paish aya.
Us waqt Quresh aur Makkah me jagha jagha Islam phail chuka tha.. Hazoor Pak ﷺ apnay Ashab ki takaleef k mutaliq pareshan rehtay thay aur aap ﷺ hukm-e-Ilahi se shaba ko hijrat-e-Madina ka hukm farma chukay thay aur khud apnay mutaliq muntazir thay.
.
Hazrat Ayesha farmati hain k aap ﷺ har roz Hazrat Abu Bakr k ghar subah ya raat ko tashreef lay jatay thay. Aik baar aap ﷺ dophar k waqt aye , tau Abu Bakr samjh gae k aaj zarur koi khas baat hai.
Hazoor ne farmaya: " Mujh ko hijrat ki ijazat mil gae hai..."
Ye sunn kar Abu Bakr maray khushi k ronay lagay aur arz kia , main ne isi din k lye 2 ountni'aan tayyar kar rakhi hain.
.
Aur phir Hazoor ﷺ k hijrat farmanay ki khabar Makkah me logoun ko bilkul maloom na hue , siwaye Abu Bakr k ghar waloun k aur Hazrat Ali k.
Hazrat Ali R.A ko aap ﷺ ne amanat'ain wapis karnay k lye apnay pechay chorr dya tha.
....Phir aap ﷺ Abu Bakr k sath ghar k pechay ki khirki/ window se nikal kar 'Ghaar-e-Saur' me ja thehray.
.
Abu Bakr ka ghulam bakri'oun/ goats ko laikar ghaar/ cave ki traf ajata k wo dono doodh pee sakain aur Hazrat Ayesha R.A ki behan Asma khana paka kar lati raheen. Is trah 3 din aap dono ne ghaar me basar kar dye.
....Idhar Quresh ne sara Makkah chaan mara magar Hazoor ﷺ ksi ko na milay. Is trah logoun ka shor kam hogya. Tau akhri din saman bandh'nay ki tayyari hue, us me Asma ne un dono ki madad ki.

• Hijrat-e-Habsha: 

.
Aur phir kuffar ne bht hi zulm aur muibatoun ka silsila shru kar dya. Jab aap ﷺ ne un mushkilaat ko dekha tau apnay sahaba akram ko farmaya k agar tum Habsha ko chalay jao tau bht behtar hoga.
Kioun k wahan ka badshah ksi per zulm nahi karta aur wo sach'ai ki sar-zameen hai. Yahan tak k Khuda kushad'gi farma de aur sakhti o musibat ko hum se dour karday.
.
Tau Ashab-e-Rasool ne Habsha ki traf hijrat ka faisla kia. aur ye Islam me sab se pehli hijrat thi.
.
Hijart karnay waloun me Hazrat Usman sar-e-fehrast thay jo aap ﷺ ki beti Hazrat Ruqayya jo Hazrat Usman ki bewi thi, un k sath tashreef lay gae. Aur Jaffer bin Abi Talib bhi paish paish thay.
Hijrat karnay walay total log 83 thay.. Chotay bachay alag thay.
Phir Quresh ko is per bhi sabr na aya bulkay apna aik wafad /group Shah-e-Nijashi ko warghalanay k lye rawana kia.
... Magar un k muqablay me Hazrat Jaffer Tayyar R.A. ne Nijashi k samnay zabardst taqreer ki aur Quran me Sura-e-Maryam ka dosra ruku parh kar sunaya, jis me Maryam A.S ka zikr hai.
.
Nijashi us ko sunn kar ro paray aur kaha k ye haq hai. Phir Quresh k wafad ko namurad wapis kar dya.

• Elan'iya Dawat-e-Islam:

Translation:
..."Ae Rasool jo aap ko hukm mila hai, aap us k zarye (haq-o-batil me) farq kar dijye aur mushrikoun ki takzeeb ki kuch parwa mat kijye.."
.
3 saal tak Islam posheda raha, phir jab ye ayat nazil hue tu aap ﷺ ne khulam khulla ela'an farmaya.
Aur ye hukm bhi nazil hua jis ki wajha se aap ﷺ ko elaniyah dawat ka hukm mila.
... " Aur apnay uqraba'a ko (khososan) azab-e-Ilahi se daraye..."
.
Aur jis trah Islam mukhfi (hidden) raha, tau mukhalifat/ opposition bhi mukhfi rahi. Ab dono traf se khulam khulla takra'ao tha. Tamam Quresh aap ﷺ k pechay parr gae aur trah trah se aap ko lalach dya aur jab har hathyar nakam raha tau phir larai aur takleef denay per utar aye.
.... Aik roz Quresh k sardaroun ne Hazoor Pak ﷺ ko bulaya aur lalach dya;
.
- Bus ab sunn lo k agar tum maal ka khayal rakhtay ho tau hum tum ko sab
se ameer bana dengay.
- Agar Sardar banna chatay ho tau hum aap ki sardari apnay per bhi
tasleem kar laitay hain.
- Agar badshah banna chatay ho tau hum aap ko badshah bana dengay.
- Agar tumharay pass koi jin ya aseb ata hai tau hum us ka bhi ilaj karwa
dengay.
.
Hazoor Pak ﷺ ka jawab:
... Jo batain tum ny kahin, mujhay un me se kuch bhi nahi chaye. Mujh ko tau Khuda ne Rasool bana kar bheja hai. Mujh per Kitab nazil farmai hai. Aur mujhay hukm farmaya hai k main tumharay wastay 'bashir-o-nazeer' ban jaoun.
Agar tum in batoun ko qabool karo ge tau dono jahanoun me tumhari kamyabi hai. Werna main us waqt tak sabr kye hue houn jab tak Khuda hum dono fareeq k baray me faisla nahi farma de ta.

• Different logoun ka qabool-e-Islam:

.
Haqeeqat me sab se pehlay Islam lanay wali shakhsiyat tau khatoon ki hai means Hazrat Khadijah R.A.
Aur Males me sab se pehlay Hazrat Ali R.A. Musalman hue. Aap ki umar jab 10 saal ki thi.
Phir Zaid bin Harisa Islam laye jo Hazoor Pak ﷺ k ghulam thay.
.
Phir Hazrat Abu Bakr bin Abi Qahafa Islam laye. Aap ne is dawat ko apnay dostoun me phela dya. Aur aap bht jald hi bht se afrad ko Islam k saye me lanay me kamyaab hogae.
Aap ki dawat me ye log Islam laye:
Usman bin Affan R.A. .... Ashra-e-Mubashirah
Zubair bin Awam R.A ..... Ashra-e-Mubashirah
Abdul Rehman bin Auf R.A. ..... Ashra-e-Mubashirah
Saad bin Abi Waqas R.A. ..... Ashra-e-Mubashirah
Talha bin Ubaid-ullah R.A. ...... Ashra-e-Mubashirah

• Nazool-e-Quran Kareem:

.
Quran Pak k nazool ki ibteda/ start Ramzan me hue.
Jaisay khud Allah ne farmaya:
.
"Ramzan ka mahena (aesa Azeem-ul-shaan hai) jis me (Awwal awwal) Quran nazil hua.
Jo logoun ka rah-numa hai aur is me hidayat ki khuli nishania'an hain aur ye (Haq ko batil ko) alag alag karnay wala hai... "
... (Baqra-185)

Wahi ki Ibteda : (Beginning of Wahi)
.
Riwayat hai k Hazoor Pak ﷺ har saal me aik month 'Ghar-e-Hira' me tanhai k wastay tashreef lay jatay aur jab pura month kar k shehar/ city me atay tau sab se pehlay Khana Ka'aba ka tawaf kartay phir apnay ghar tashreef lay jatay.
Yahan tak k jab ye Mubarak month means Ramzan is baar paish aya. aur ye azeem raat bhi aa hi gae jis me Nabu'wat se faiz-yab hona tha.
Hazoor Pak ﷺ ne farmaya:
... "Main so raha tha k Jibrael tashreef laye aur un k pass reshmi kapray me aik kitab lipti hue thi. unho ny mujhy farmaya, " Iqra'a" (parhye).....
Main ny kaha: main nahi parh sakta, yani main an-parh houn.
Is per unho(Jibra'ael) ny mujhy apnay seenay se laga kar dabaya. tau mujhay us per maut ka khatra honay laga. phir unho ny mujhay chorr dya.
Aur farmaya, 'Parhye'... Is per main ne kaha, kia parhoun?
Tab unho ny ye ayaat parhe.."
.
Translation:
......." Parh apnay Rab k naam se jis ne insanoun ko munjamid khoon (yani lothray) se paida kia. Aur tera Rab bari shaan wala hai.
Jis ne qalam k sath sikhlaya (aur) insan ko wo batain sikhlayen jo wo na janta tha..."
.
Phir Hazoor ﷺ ghabra gae aur Hazrat Khadijah ko pura haal sunaya tau wo Werqa Ibne Naufal k pass lay gaen. Wo ye baat sunn kar cheekh paray.
.........."Al-Qudood... Al-Qudoos...."
Beshak ye wohi namos (Izzat wala Farishta) hai jo Musa k pass ata tha.
Beshak ye Paighamber/ Prophet hain. In ko keh do k apnay qadam mazboot kar lain.