PAIGHAM 786

Hazrat Muhammad SAW ki paidaish Mubarak (Birth)


Kaha jata hai k jab Aap ﷺpaida hue tau aik yahoodi Aalim, jo k Makkah me rehta tha, us ne pucha, kia aaj tumharay haan koi bacha paida hua hai??
.. Tau logoun ne kaha k humay tau maloom nahi ...
Tau yahoodi ne kaha, main jo kehta houn wo achi trah sunn lo. Aaj is ummat ka akhri paighamber janam lay chuka hai. aur is k mondhay /shoulder k pass bator-e-alamat aik muhur/stamp hai, jis me bht zyda baal houngay.
.
Log is baat se bht hairan hue.
Wapis hue tau maloom hua k aaj Abdullah k haan larka paida hua hai.
Ab ye Qureshi phir us yahoodi se milay jo pehlay hi bachay ko dekhnay k lye be-qarar tha. Tau Qureshi us ko laiker Abdullah k haan phunchay aur yahoodi ne Hazrat Amna se bacha mangwaya.
Amna se bachay ko kapray se bahar nikala, un logoun ne aap ki kamar /back dekh li aur yahoodi ko jaisay hi kamar per ''Muhur-e-Nabuwat" nazar aye tau gham o haibat ki wajha se behosh ho k gir para.
.
Riwayat hai k jab Hazrat Ibrahim A.s paida hue tau Hazrat Jibra'ael ne akar un ki naaf kati aur un k kaan me Azaan kahi aur phir un ko safaid/ white kapra pehnaya.
... Aur jab fakhr-e-do jahan Aap ﷺ paida hue tau aap ﷺ khatna shuda (circumcised) thay. aur aap ﷺ ki naaf kati hue thi.
... Aur aap ﷺ ki ankhoun me surma lga hua tha aur badan-e-Athar tamam aalaishoun se pakeezah tha.
.
Jab Abdul-Muttalib ne apna pota (grandson) khatna-shuda aur naaf kata hua paya tau bht khush hue aur farmaya, 'mera ye beta nirali aur bari shaan wala hoga...'.
Aur jab aap ﷺ paida hue tau aap ﷺ ki muthi / fist band thi aur shahadat ki ungli / index finger aasman ki traf uthi hue thi. (goya Khuda ki wahdaniyat ka iqrar kar rahy hain..) Subhan'Allah

Birth Place of Hazrat Esa and his Childhood
.
Hazrat Esa Bait-ul-Laham k qareeb paida hue.
Jab aap paida hue tau us din mashriq o maghrib me tamam 'butt"/ idols girr paray aur shetaan hairan o pareshan ho gae thay.
.
Hatta k baray Iblees ne apnay shetanoun ko haqeqat haal ki khabar di k Hazrat Esa ki birth ki wajha se aisa hua tha.
.
Phir Shetanoun ne daikha k Esa apni maa ki goud me hai aur angels un k gird hifazati hisaar qa'aem kye hue hain. Aur Aasman me us din aik azeem sitara bhi zahir hua tha. aur mulk Faris ka badshah bhi us sitaray ki wajah se khauf-zada hogya tha. Us k jadogaroun ne bataya tha k sar-zameen me koi azeem bacha paida hua hai.
.
Phir us badshah ne tohfay tahaif k bahanay us bachay ko qatal karanay k lye admi bhejay. Maryam ko khabar hogae tau wo apnay bachay ko laikar Egypt chali gaen. aur us waqt tak wahan rahin jab tak Esa 12 years k na hogae.
.
Esa A.S k karamaat-o-Mujizaat / miracles bachpan se hi mash'hor honay lagay thay.
Aik baar, jis baray admi k ghar Esa n Maryam thehray hue thay, uska maal gum hogya. Ghar me bht log thay, wo bara admi in sab ki kafalat karta tha.
.. Hazrat Esa ne aik andhay aur langray admi ko pakarwa dya, jinho ne waqae chori ki thi. phir un dono ne chori kia hua maal wapis kar dya.
.
Isi trah us baray admi ne aik baar logoun ki dawat ki. Khanay k baad us zamanay ki rasm k mutabiq sharab ka daur chalana chaha aur sharab k matkay kholay tau sab khali thay.
tamam log bht pareshan hue k sharab khatam kaisay hogae.
Phir Esa ko pata chala tau aap matkoun k paas phunchay aur sab k moun per hath phertay rahay tau matkay umdah aur pure sharab se bharr gae.
.
Ye maajra sunn k log Esa and Maryam k intahai mureed hogae.
Phir Maryam apnay pyaray betay ko laikar dobara Bait-ul-Muqaddas rawana hogaen.

Zinda honay wali larki ka haal aur Saam bin Nooh A.s ka zinda hona
.
Esa A.s ne us larki se pucha, " tu ne dair kis wajha se ki.."
Arz kia;
..."jab pehli baar awaz aye tau Allah ne farishtay ko bheja, us ne mere a'azaa (organs) ko hukm-e-Ilahi se durast kia aur mere jism ko jora.
.... phir dosri baar awaz aye tau mere jism me rooh daal di gae.
... phir teesri bar awaz aye tau mujhay darr lga k kahin ye qayamat ki cheekh tau nhi.
.. qayamat k darr se mera sir safaid (white) hogya. Aur meri palkain aur eye brows bhi darr se foran white hogaen.
.
Phir larki apni maa ki traf mutawjja hue aur kaha;
.."haye maa, aap ko kis cheez ny majboor kia k aap ne mujh ko dobara uthwaya?
Amma, aap kash sabr karti aur Allah se sawab ki umeed rakhti. Mujhy ab dunya ki koi hajat nhi rahi.
.
Phir larki Esa ki traf mutawjja hue;
..." Ae Allah k kalmay aur Us ki rooh , mere Rab se ye bhi faryad kr dijye k mujhy wapis aakhirat ki traf lauta de. Aur maut ki sakhti ko mujh pe aasan kar de.
Tau Esa A.s ne us ki baat bhi qabool kar li aur dua ki aur wo larki wapis maut ki aaghosh me chali gae. Aur zameen usko apny andar lay gae.
.
Is trah Hazrat Esa ki zindage me aik azeem muajizah ka zahoor hua. Aur yahood Esa A.s per mazeed ghazabnak hogae.
.
Is he trah bani Isra'ael ne Hazrat Esa se Saam bin Nooh A.s ko dobara zinda uthaye janay ka sawal kia.
Tau Esa ne Allah k hukm se Saam bin Nooh ko zindah kia aur wo kharay hogae.
Aur phir unho ne Esa ko Hazrat Nooh ki kashti (Noah Ark) aur us se related dosri batain aur khabrain zikr ki.
.
Phir Hazrat Esa A.s ne dobara Bargah-e-Rabbul Izzat me hath uthaye aur Saam bin Nooh dobara maut ki wadi me wapis chalay gae.

Dastar khuwan ka qissa
.
Farman e Ilahi hai:
.
"Jab logoun ne kaha k Ae Esa bin Maryam kia tera Rab taqat rkhta hai k Wo hum per Aasman se aik khuwan nazil karay. (Tau Esa ne kaha) Allah se daro agar tum momin ho?
Kehny lgay hamara khayal hai k hum is se khaen aur hamary dil mutmain ho jaen aur hum jaan lain k aap ne sach farmaya aur hum is per gawah ho jaen.
Tau Esa ne dua ki, Ae Allah hamary Rab hum per Asman se khuwan nazil frma ta k wo hmaray awwal o akhir k lye khushi ho aur Aap ki traf se nishani ho, aur hum ko rizq ata'a farmaye aur Aap behtareen rizq ata'a krny walay hain.
Allah ne farmaya, Main usko tum per nazil karounga, phir us k baad jo tum me se kufr karega tau Main usko aesa azaab dounga k Main ne jahan waloun me se ksi ko bhi aesa azab na dya hoga... "
.. (Ma'aeda 112-115)
.
Hazrat Esa ne apny logoun ko 30 din rozay rkhnay ka hukm dya. Phir jb unho ne 30 din puray kr lye tau Esa ne dastar khuwan utarny ki request ki.
.
Phir Allah ne Aasman se dastar khuwan nazil frmaya. Aur sab log usko 2 badloun /clouds k bech me utarta dekh rhy thay aur ahista ahista qareeb ho rha tha.
Aur jab bhi dastar khuwan kuch agay barhta, hazrat Esa dua krty k Ae Allah isko rehmat bana, azab na bana, aur isko barkat o salamti wala bana.
..hatta k dastar khuwan aker Esa k samnay theher gya. Us per roomal dhaka hua tha. Esa kharay hue aur arz kr rhy thay:
.. "Bismillah khairrur Raziqeen.."
"Allah k naam se jo rizq denay waloun me sab se behtar hai.."
.
Hazrat Esa ne usko khola tau us me 7 fishes, 7 rotiyan aur sirka tha. Aur kaha jata hai k anar (pomegranate) aur dosray fruits thay. Aur intahai taiz pyari khushbu thi. Aur Allah ka isko 'ho ja' ka hukm mila tha, wo wajood me aker Asman se samnay agya..

Allah Ta'ala ka dastar khuwan ko wapis utha lena
.
Phir Esa ny unko khanay ka hukm dya tau kehnay lgay k tab tak na khaengay jab tak aap na khaa lain.
Tau akhir kar Hazrat Esa ne faqeeroun, muhtaaj, mareezoun, langray log ko hukm frmaya. Wo 1300 afraad thay. Un sab ne khana khaya. Aur Khuda k fazal se jisko jo beemari thi sab khatam hogae.
.
Wo dastar khuwan daily aik baar utarta tha aur log us se khatay thay. Akhri shakhs bhi us hi trah saaf aur sair ho kr khata tha jis trah pehla shakhs khata tha.
Hatta k 70,000 afrad us se khatay thay. Phir ye dastar khuwan ata raha.
... phir Allah ne Esa A.S ko hukm frmaya k is dastr khuwan ko faqeeroun aor maskeenoun tk rakho aur maal'daar logoun ko mana krdo.
Tau ye baat munafiqoun per bht sakht guzri aur is k mutaliq idher udhar batain ki.
Phir dastar khuwan ana bilkul band hogya. Aur jin logoun ny khilaf batain ki thi, wo khinzeeroun / pigs me tabdeel hogae.
.
Riwayat hai k Hazrat Muhammad SAWW ne farmaya:
..." dastar khuwan utra aur us me roti aur gosht tha. Aur un ko hukm mila k khiyanat na karain aur zakheera na karain aur kal k lye na utha rakhain.
Laiken unho ny khiyanat ki aur zakheera kia aur utha kr rakha, tau wo bandaroun aur souwaroun (monkeys n pigs) me change hogae.. "

Burai me achai ki talash
.
Hazrat Esa A.s aur aap k sathi aik murdar /dead body k paas se guzray tau logoun ne kaha, is ki badbu (stink) kis qadar sakht hai...
.
Esa A.S ny farmaya, is k daant kis qadar safaid/ white hain. (matlab ye tha k kisi ki brai na talash karo, bulkay us ki achai talash karo..)
.
Hazrat Esa ne farmaya:
Mujhay 3 logoun pe ta'ajub hai:
* Aik wo shakhs jo dunya ka talabgar ho, jab k maut us ki talabgar hai.
* Dosra wo shakhs jo mehlaat /palaces ka bananay wala ho, jab k us ka
thikana qabar hai.
* Teesra wo shakhs jo moun phaar kar hansay jab k jahannum us k agay
hai..

Hazrat Esa A.S ko Aasman per uthaye janay ka zikr
.
" Aur wo, yani yahood Esa k qatal k lye khoob chaal chalay, aur Khuda bhi Esa ko bachanay k lye chaal chalay aur Khuda khoob chaal chalnay wala hi hai...
Us waqt Khuda ne farmaya, Esa! Main tumhari dunya me rehnay ki muddat puri kar k tum ko Apni traf utha lounga.
Aur tumhay kafir'oun (ki suhbat) se paak kar dounga. Aur jo log tumhari perwi krengay, unko kafir'oun per qayamat tak ghalib rakhounga. Phir tum sab Mere paas laut aao gay.
Jin batoun me tum ikhtilaf karty thay, us din tum me us ka faisla kar dounga.."
.
Tau Allah Ta'ala ne saaf irshad farmaya k Esa ko aasman per utha lya gya hai. aur un yahood se aap ko chutkara dila dya jo aap ko azyat o qatal k darpay thay. aur aik zalim Badshah ki support unko hasil thi.
.
Us Badshah ka naam Dawood bin Nora tha. aur us ne Esa k qatal ka hukm jari kia tha.
Phir logoun ne Bait-ul-Muqaddas me aap ko ghair lya aur ye Friday ki sham aur Saturday ki raat thi.
.
Esa A.s apnay 12 sathioun k sath ghar me dakhil hue, aap ny farmaya,
..." acha, tum me se koun hai jis ko meri shakal de di jae aur phir wo mere badlay qatal kar dya jae, tau wo jannat me mere darjay me mere sath hoga..."
.
Tau aik nojawan shakhs khara hua aur arz kia k, main hazir houn.
Tau phir us jawan ki shakal Esa wali hogae.
Aur Esa A.S us ghar k roshan-daan se Aasman per utha lye gae...
.
Aur ghar walay aap ko uth'ta daikh rahay thay.

Yahood ka Esa A.s k hum-shakal ka suli pe charhana
.
Phir Badshah k log ghar me enter hue tau aik jawan ko Esa ki shakal me dekha tau us hi ko Esa samajh kar utha lya aur qatal kar k suli per charha dya. aur kaantay us k sir per rakh dye.
Aur aam Nasara /Christians (jinho ny haqeeqat e haal na dekhi thi wo bhi yahood ki baat per muttafiq hogae k Esa ko suli de di gae hai.
.
Jis shakhs ko Yahood ne phaansi di, usko pakar kar rassi'oun se baandh kar raastoun per ghaseeta aur kehtay k tu tau murdoun ko zinda karta hai, shaitan ko jharakta hai aur beemaroun ko shifa deta hai, ab apni ye rassi kioun nahi turwa sakta??
Phir Yahood us per thooktay aur bator-e-zillat us k sir per kaantay phainkay.
aur aik lakri/ wood k paas laye aur usko suli de di.
.
Aur Esa A.s ki shabeh /shakal wala shakhs 7 din tak suli per raha.
.
Phir ye 3 firqoun / groups me batt gae :
*Aik ny kaha Hazrat Esa hum me rahay, jab tak chaha rahay, phir Allah ne unko utha lya.. (ye Yaqoubiah firqa tha)
* Aik ny kaha, wo hum me Allah k betay thay. jab tak chaha, rahay, phir Allah ne unko Apnay pass utha lya... ( ye Nastouriah firqa tha)
* Aik ny kaha, ye hamaray andar Allah k banday aur Us k Rasool thay, jab tak chaha rahay, phir Allah ne un ko utha lya. (Ye Musalman firqa tha)
.
Pehlay dono firqoun ne mill kar unko qatal kar dya aur Islam barabar maghloob raha. Phir jab Allah ne Muhammad ﷺ ko bheja tau tab Islam dobara paida hua.

Hazrat Esa A.S k baad Hazrat Maryam A.S ka ahwaal
.
Hazrat Esa k aasman per uthaye janay aur un k hum-shakal ko suli per charh janay k baad Umme-Esa aur aik aurat (jis ka Hazrat Esa ilaaj kia krtay thay) roti hue suli charahy shakhs k paas ayen. aur Badshah se sawal kia k is ko suli se utara jae. (Maryam guman kar rahi theen k ye Hazrat Esa hain).
.. Tau phir Badshah ne ijazat de di aur phir us jism ko dafan kia gya.
.
Maryam, Umme-Yahya k sath Esa ki qabar ki ziyarat k lye gaen tau wahan qabar per Jibra'el A.S ko mojoud paya. unho ne kaha k ye Maseh ki qabar nahi hai.
Maseh ko tau Allah ne aasman per utha lya hai.
Aur is baat ki alamat ye hai k ye shakhs dunya se gumm hai aur dosri alamat ye hai k jab fla'an din aye tau fla'an jagah chali jana.
.
Tau phir Maryam A.s jab muqarrah waqt per bataye gae muqam per gaen tau Esa apni Maa ko mill gae. Esa foran aye aur apni Maa ka matha chooma aur un k lye dua ki aur farmaya: ....
..." Ae Maa! Allah ne mujhay apnay paas utha lya hai aur ab meri aap ki mulaqat agay hogi. aur maut aap k qareeb aa chuki hai. Lehaza sabr karain aur kasrat se Allah ka zikr karain.
.
Phir Esa A.s wapis chalay gae.
.
Riwayat k mutabiq Maryam A.s Hazrat Esa k baad 5 saal zinda raheen aur 53 saal ki age me wafat paa gaen.
.
Riwayat hai k Jab Hazrat Esa aasman per uthaye gae tau us waqt un ki age 24 saal thi,
ya 33 saal thi... (Wallah-Alam)