PAIGHAM 786

 حضور نبی کریم صلی اللہ علیہ وسلم کی جدائی کے غم۔ سے حنانہ ستون کا آنسو بہانا 

حضور نبی کریم صلی اللہ علیہ وسلم کے غم سے حنانہ ستون جس سے آپ صلی اللہ علیہ وسلم مسجدِ نبوی میں ممبر کی تعمیر سے پہلے ٹیک لگا کر خطبہ ارشاد فرمایا کرتے تھے وہ روتا تھا۔ صحابہ کرام رضی اللّٰہ عنہ حیرت میں مبتلا تھے ۔

آپ صلی اللہ علیہ وسلم نے اس ستون سے ارشاد فرمایا کہ اے ستون تو کیا چاہتا ہے ؟ کہ میری جان آپ صلی اللہ علیہ وسلم کی جدائی میں خون ہوگئی اور میری جان آپ صلی اللہ علیہ وآلہ وسلم کی جدائی میں جل رہی ہے اس لیے روتا ہوں ۔ میں آپ صلی اللہ علیہ وآلہ وسلم کا مسند تھا اب آپ صلی اللہ علیہ وآلہ وسلم نے ممبر تعمیر کروالیا ہے ۔

رسول اللہ صلی اللہ علیہ وآلہ وسلم نے فرمایا تو کیا چاہتا ہے ؟ اگر تو چاہتا ہے کہ تجھے کھجور بنا دیا جائے تاکہ لوگ تیرا میوہ کھائیں یا تجھے سرو بنا دیا جائے کہ ہمیشہ تر و تازہ رہے۔اس ستون نے عرض کیا میں بقائے دائمی چاہتا ہوں ۔

حضور نبی کریم صلی اللہ علیہ وآلہ وسلم کے حکم پر اس ستون کو زمین میں دفن کیا گیا ۔اور وہ انسانوں کی طرح قیامت کے روز اٹھایا جائے گا ۔ایسا اس لیے کیا گیا کہ جو اللّٰہ تعالیٰ کا ہو گیا وہ دنیا کے کاموں کیلئے بے کار ہوگیا۔کیونکہ وہاں جو باریاب ہوجاتا ہے وہ دنیا کے کام کا نہیں رہتا ۔وہ شخص جس پر اسرار کی بخشش نہ ہوئی وہ بے جان لکڑی کی رونے کی کب تصدیق کریں گا؟ دل میں نفاق رکنے والا اللّٰہ عزوجل کی رازوں سے کیسے واقف ہوسکتا ہے؟

وہم انسان کو پورے وہم میں بدل دیتا ہے اور جو لوگ امر 'کن' کے واقف ہوتے ہیں وہی ان رازوں کو سمجھ سکتے ہیں ۔اہل عقل میں شیطان شبہ پیدا کرتا رہتا ہے۔جس سے وہ اندھے ہو کر گر جاتے ہیں ۔عقل دلائل والوں کا پیر لکڑی کا ہوتا ہے ۔جو کہ بہت کمزور ہوتا ہے۔لیکن امر 'کن' کے واقف صاحب بصیرت کے پاؤں پہاڑ کی مانند ہوتا ہے ۔

 گر باستدلال کار دیں بدے

 فخر رازی راز دار دیں بدے

 جس طرح اندھا لاٹھی کا محتاج ہوتا ہے۔اس طرح عوام پیر کامل کے رہبری کے محتاج ہوتے ہیں ۔اندھے کی لاٹھی کیا ہے؟ قیاس اور دلیل ۔اس اللّٰہ تعالیٰ نے یہ لاٹھی تمہیں دی ہے کہ آگے بڑھو اور غصہ میں تم نے لاٹھی اس پردے پر دے ماری۔تم اندھے نہ بنو اور کسی صاحبِ بصیرت کو درمیان میں لاؤ ۔اس کا دامن تھام لو جس نے تمہیں لاٹھی دی۔

•  غور کرو کہ حضرت آدم علیہ السلام نے بھول میں کیا دیکھا؟
•   اور لاٹھی سانپ کیسے بن گئی ؟
•    اور ستون کیسے باخبر ہوگیا ؟

  انبیاء کرام علیہم والسلام کے معجزات پر غور کرو کہ اگر یہ بات عقل میں آنے والی ہوتی تو معجزوں کی کیا ضرورت تھی؟

 جو عقل میں سمانے والی بات ہوتی ہے وہ تم تسلیم کرتے ہو لیکن جو عقل کی سمجھ میں نہ آنے والا طریقہ دیکھو اس کا ذریعہ بارگاہِ الٰہی میں مقبول شخص کا دل ہے ۔جس طرح آدمی کے ڈر یا حسد سے یا جن اور درندوں کے خوف سے دور جزیروں میں بھاگ گئے ۔اس طرح انبیاء کرام علیہم والسلام کے معجزات دیکھ کر منکروں نے بھی گھاس کے نیچے سر چھپا لیئے ۔

 خدارسیدہ لوگوں کا ادراک عام عقول سے بالاتر ہوتا ہے اور ادراک کشف اور ذوقِ حقیقی کے طفیل حاصل ہوتا ہے ۔ اہل عقل مکاری سے خود کو سمجھ دار بتاتے ہیں اور کھوٹے سکے بنانے والوں کی طرح بظاہر توحید اور شریعت کی باتیں کرتے ہیں لیکن ان کا باطن اندر سے کڑوی روٹی کی مانند ہوتا ہے۔فلسفی کی مجال نہیں کہ وہ اللّٰہ عزوجل کے امور میں دم مار سکے۔

وجہ بیان:

مولانا روم رحمتہ اللہ علیہ اس حکایت میں حنانہ ستون کا واقعہ بیان کرتے ہیں کہ وہ حضور نبی کریم صلی اللہ علیہ وآلہ وسلم کے جدائی میں روتا تھا۔اور پھر اسے حضور نبی کریم صلی اللہ علیہ وآلہ وسلم کے حکم پر دفن کیا گیا۔اور اس نے حیات جاودانی پالی۔اس ستون کو بروز محشر انسانوں کی مانند اٹھایا جائے گا۔پس جان رکھو جو اللّٰہ عزوجل کا ہوگیا وہ دنیا کیلئے بے کار ہو گیا۔وہم انسان کو بدل کر رکھ دیتا ہے۔ شیطان کے شر سے بچو کہ وہ اول آپ کے دل میں وسوسہ ڈالتا ہے اور جس طرح اندھا لاٹھی کا محتاج ہوتا ہے اسی طرح عوام پیر کامل کے محتاج ہوتے ہیں اور پس یاد رکھو کہ اگر تم اپنی باطن کو سنوار لو گے تو یقیناً فلاح پاؤ گے۔ان عمور پر جو تمھارے عقول سے بالا ہیں۔ان پر تنقید کرنے کی بجائے انھیں اللّٰہ عزوجل کی جانب سے جانو۔ 

 حضور نبی کریم صلی اللہ علیہ وسلم کا نور حامی و مددگار

حضور نبی کریم صلی اللّٰہ علیہ وسلم کا نام مبارک انجیل میں بھی موجود تھا جو انبیاء کرام علیہم والسلام کے سردار اور صفاء سمندر ہیں ۔آپ صلی اللّٰہ علیہ وسلم کا حلیہ مبارک بھی انجیل میں موجود تھا۔ آپ صلی اللہ علیہ وسلم کا جہاد،روزے اور کھانے کا ذکر بھی تھا۔ عیسائیوں کی ایک جماعت جب پڑھتے ہوئے اس متبرک اسم پر پہنچتی تو اسے بوسہ دیتی اور آپ صلی اللہ علیہ وسلم کی تعریف کرتے ۔وہ لوگ اس سارے جھگڑے میں خوف و خطرے سے دور تھے ۔وہ حاکموں کے شر سے دور اور محفوظ تھے ۔نبی کریم صلی اللہ علیہ وسلم کا نور ان کا حامی و ناصر تھا اور وہ جو فتنوں میں پھنسے رہے بالآخر ذالیل اور خوار ہوئے اور ان کا مذہب اور قانون تہہ وبالا ہو گیا ۔جب نام احمد صلی اللہ علیہ وسلم کسی کا یار ہو جاتا ہے تو وہ ایک مضبوط قلعہ بن جاتا ہے ۔

وجہ بیان:

مولانا روم رحمتہ اللہ علیہ اس حکایت میں انجیل میں موجود حضور نبی کریم صلی اللہ علیہ وسلم کے اسم مبارک کا ذکر فرما رہے ہیں ۔کہ عیسائی جب تک آپ صلی اللّٰہ علیہ وسلم سے عقیدت رکھتے تھے وہ معتبر تھے اور پھر جب انھوں نے پیارے آقا صلی اللّٰہ علیہ وسلم کی مخالفت کی تو ذالیل و رسواء ہو گئے ۔پس یاد رکھو کہ نبی کریم صلی اللہ علیہ وسلم کی ذاتِ گرامی دنیا و آخرت میں کامیابی کی ضمانت ہے اور جو بھی آپ کے دامن سے وابستہ ہوگیا اس نے فلاح پائی ۔

مولانا جلال الدین رومی رحمۃ اللہ علیہ کون تھے ؟

مولانا جلال الدین رومی رحمۃ اللہ علیہ کا نام محمد اور لقب جلال الدین تھا ۔ آپ رحمتہ اللہ علیہ نے مولانا روم رحمتہ اللہ علیہ سے شہرت پائی ۔ آپ کے والد کا نام بھی محمد اور لقب بہاوالدین تھا ۔ آپ کے والد بہاوالدین رحمتہ اللہ علیہ نابغہ روزگار عالم دین تھے۔ حضرت بہاوالدین رحمتہ اللہ علیہ کے حلقہ ارادت میں فخرالدین رازی اور محمد خوارزم شاہ رحمۃ اللہ علیہ بھی شامل تھے ۔ مولانا جلال الدین رومی رحمۃ اللہ علیہ کا سلسلہ چند واسطوں سے حضرت ابوبکر صدیق رضی اللّٰہ تعالیٰ عنہ سے جا ملتا ہے ۔ آپ رحمتہ اللہ علیہ 604ھ میں بلخ میں پیدا ہوئے ۔

مولانا جلال الدین رومی رحمۃ اللہ علیہ کی عمر 18 برس ہی تھی کہ آپ کی شہرت آس پاس کے علاقوں میں پھیلنے لگی ۔اس دوران شاہ روم علاؤالدین کیقباد آپ کی شہرت کا سن کر آپ کو روم آنے کی دعوت دی ۔ آپ علاؤالدین کیقباد کی دعوت پر روم تشریف لے گئے اور وہاں قونیہ میں قیام پذیر ہوئے ۔

مولانا جلال الدین رومی رحمۃ اللہ علیہ ان بزرگ ہستیوں میں سے ہے جن کا قلب غمِ امت سے فیضیاب اور وصال حق کیلئے بے تاب تھا۔ آپ رحمتہ اللہ علیہ کا دور قتل و غارت گری کا تھا۔ آپ مبارک ابھی بارا برس کے ہی تھے کہ تاتاریوں کے فتنے نے سر اٹھایا۔ آپ رحمتہ اللہ علیہ کے دور میں ان ظالموں نے نوے لاکھ لوگوں کو قتل کیا اور اس کے علاوہ مزہبی منافرت بہت زیادہ تھی۔اس دور میں حضرت شہاب الدین سہروردی ،حضرت خواجہ فرید الدین عطار ،حضرت شیخ محی الدین عربی اور حضرت بوعلی قلندر رحمتہ اللہ علیہ جسے نابغہ روزگار اولیاء کرام پیدا ہوئے ۔

مولانا جلال الدین رومی رحمۃ اللہ علیہ کی شادی سمر قند کے گوھر نامی خاتون سے ہوئی آپ مبارک کی عمر اس وقت 18 برس تھی ۔گوہر خاتون سمر قند کے ایک با اثر شخص کی بیٹی تھیں۔ان سے آپ کے دو بیٹے تولد ہوئے ۔

مولانا جلال الدین رومی رحمۃ اللہ علیہ کی خدمت میں بہت زیادہ علمائے کرام اور طلباء حاضر ہوتے تھے ۔اور آپ مبارک سے علمی مسائل دریافت فرماتے تھے آپ مبارک نے قونیہ میں ایک مسجد بنیاد رکھی ۔ آپ کو روحانی تعلق سید برہان الدین رحمۃ اللہ علیہ سے حاصل تھا ۔ آپ جب تقریر شروع کرتے تو ہزاروں کا مجمع جمع ہو جاتا تھا ۔لوگ آپکی تقاریر تحریر کرتے تھے اور کتابت کرواتے ۔

مولانا جلال الدین رومی رحمۃ اللہ علیہ کا بڑا کارنامہ "مثنوی مولانا روم" کی تالیف ہے ۔آپ نے مثنوی کے اشعار مختلف اوقات میں کہے جسے آپ کے شاگرد لکھتے رہے بعد میں جنہیں یکجا کرکے مثنوی مولانا روم کے نام سے ترتیب دیا گیا ۔

مولانا روم رحمتہ اللہ علیہ کی ملاقات جب شاہ شمس تبریز رحمتہ اللہ علیہ سے ہوئی تو آپکی زندگی یکسر بدل گئی ۔حضرت شاہ شمس تبریز رحمتہ اللہ علیہ نے آپکو عشق کے آگ میں جھونک دیا ۔جہاں آپ مبارک نے بے شمار راز آفشاں کیے ۔آپ مبارک خود فرماتے ہے کہ میری ملاقات جب شاہ شمس تبریز رحمتہ اللہ علیہ سے ہوئی تو انھوں نے مجھے محبت کی آگ میں جلا کر راکھ کر دیا اور روحانیت کے آگ میں پکا کر پختہ کر دیا ۔

حضرت شاہ شمس تبریز رحمتہ اللہ علیہ کے وصال کے بعد مولانا جلال الدین رومی رحمۃ اللہ علیہ کی طبیعت بھی ناساز رہنے لگی۔آپ مبارک ہمہ وقت اپنے مرشد کو یاد کرتے اور ان کی باتیں کرتے رہتے ۔آپ مبارک نے ریاضت اور مجاہدے شروع کر دیئے اور یہاں تک کے بیس بیس دن کچھ نہ کھاتے اور نہ پیتے ذکر الہٰی مشعول رہتے۔

نماز کا وقت ہوتا تو نماز کی نیت باندھ کر کھڑے ہو جاتے ۔اکثر و بیشتر قیام اتنا لمبا ہو جاتا کے وقت کا پتہ ہی نہیں چلتا ۔اکثر تو ایسے بھی ہوتا کہ عشاء کے نماز کی نیت سے کھڑے ہوتے اور قیام میں ہی فجر کا وقت داخل ہوگیا ۔

روایات میں آتا ہے کہ ایک بار سردیوں کی رات آپ مبارک شاہ شمس تبریز رحمتہ اللہ علیہ کو یاد کرتے ہوئے اس قدر روئے کہ چہرے پر آنسو برف کے مانند جم گئے ۔672ھ میں شہر قونیہ میں شدید زلزلہ آیا ۔لوگوں نے آپ مبارک سے دعا کی درخواست کی تو آپ نے فرمایا کہ زمین اس وقت بھوکی ہے اور تر لوقمہ ہی اس کی بھوک مٹا سکتا ہے اور زمین کو عنقریب تر لوقمہ ملنے والا ہے۔آپ رحمتہ اللہ علیہ کی اس قول کے بعد اپکی طبیعت شدید خراب ہو گئی ۔طبیب آپ رحمتہ اللہ علیہ کی مرض جاننے سے قاصر تھے ۔ مولانا جلال الدین رومی رحمۃ اللہ علیہ 672ھ میں اس دارفانی سے کوچ فرمایا ۔ آپ رحمتہ اللہ علیہ کو قونیہ میں ہی مدفون کیا گیا ۔ آپ رحمتہ اللہ علیہ کے تلامذہ میں حضرت بوعلی قلندر رحمتہ اللہ علیہ کا نام نمایاں ہے جن کا نام برصغیر پاک و ہند کے نامور اولیاء کرام میں ہوتا ہے ۔ 

کہتے ہیں محمود غزنوی کا دور تھا ایک شخص کی طبیعت ناساز ہوئی تو طبیب کے پاس گیا اور کہا کہ مجھے دوائی بنا کے دو طبیب نے کہا کہ دوائی کے لیے جو چیزیں درکار ہیں سب ہیں سوائے شہد کے تم اگر شہد کہیں سے لا دو تو میں دوائی تیار کیے دیتا ہوں اتفاق سے موسم شہد کا نہیں تھا ۔ اس شخص نے حکیم سے ایک ڈبا لیا اور چلا گیا لوگوں کے دروازے کھٹکھٹانے لگا مگر ہر جگہ مایوسی ہوئی جب مسئلہ حل نہ ہوا تو وہ محمود غزنوی کے دربار میں حاضر ہوا وہاں ایاز نے دروازہ کھولا اور دستک دینے والے کی رواداد سنی اس نے وہ چھوٹی سی ڈبیا دی اور کہا کہ مجھے اس میں شہد چاہیئے، ایاز نے کہا آپ تشریف رکھیئے میں بادشاہ سے پوچھ کے بتاتا ہوں . -- -- ایاز وہ ڈبیا لے کر بادشاہ کے سامنے حاضر ہوا اور عرض کی کہ بادشاہ سلامت ایک سائل کو شہد کی ضرورت ہے ۔۔ بادشاہ نے وہ ڈبیا لی اور سائیڈ پر رکھ دی ایاز کو کہا کہ تین بڑے ڈبے شہد کے اٹھا کر اس کو دے دیئے جائیں ایاز نے کہا حضور اس کو تو تھوڑی سی چاہیئے آپ تین ڈہے کیوں دے رہے ہیں . بادشاہ نے ایاز سے کہا ایاز وہ مزدور آدمی ہے اس نے اپنی حیثیت کے مطابق مانگا ہے ہم بادشاہ ہیں ہم اپنی حیثیت کے مطابق دینگے مولانا رومی فرماتے ہیں -- آپ اللہ پاک سے اپنی حیثیت کے مطابق مانگیں وہ اپنی شان کے مطابق عطا کریگا کیونکہ اللہ تو بادشاہوں کا بھی بادشاہ ہے، --

ملحدوں کا ایک گروہ صوفیائے کرام میں شامل ہوگیا. اس

*سلطان محمود غزنوی کا دربار لگا ھوا تھا*

الله والوں کی صحبت کی برکت!!! مولانا جلال الدین رومی رحمۃ اللہ علیہ فرماتے ہیں ۔ کہ : ایک کانٹا روتے ہوئے اللہ پاک سے کہہ رہا تھا کہ میں نے صلحاء کی زبان سے سنا ہے کہ آپ کا نام ستار العیوب ہے یعنی عیبوں کو چھپانے والا لیکن آپ نے مجھے تو کانٹا بنایا ہے میرا عیب کون چھپائے گا... ؟ مولانا رومی فرماتے ہیں کہ : اس کی زبان حال کی دعا پر اللہ تعالیٰ نے اس کے اوپر پھول کی پنکھڑی پیدا کردی تاکہ وہ پھول کے دامن میں اپنا منہ چھپالے... بتائیے گلاب کے پھول کے نیچے کانٹے ہوتے ہیں یا نہیں... ؟ مگر باغبان ان کانٹوں کو باغ سے نہیں نکالتا , باغ سے صرف وہ کانٹے نکالے جاتے ہیں جو خالص کانٹے ہوں جنہوں نے کسی پھول کے دامن میں پناہ نہ لی ہو... اسی طرح جو لوگ اللہ والوں سے نہیں جڑتے ان کیلئے تو خطرہ ہے لیکن جو گنہگار اللہ والوں کے دامن سے جڑ جاتے ہیں ان کی برکت سے ایک دن وہ بھی اللہ والے بن جائیں گے۔ دنیا کے کانٹے تو پھولوں کے دامن میں کانٹے ہی رہتے ہیں لیکن اللہ والے ایسے پھول ہیں کہ ان کی صحبت میں رہنے والے کانٹے بھی پھول بن جاتے ہیں۔

ترکی کے خلیفہ سلطان مراد کی عادت تھی کہ وہ بھیس بدل کر عوام کی خبر گیری کرتا تھا ، اس نے ایک رات اپنے سکیورٹی انچارج کو کہا کہ ، چلو کچھ وقت لوگوں میں گزارتے ہیں ـ شہر کے ایک کنارے پر پہنچے تو دیکھا ایک آدمی گرا پڑا ہے . بادشاہ نے اسے ہلا کر دیکھا تو مردہ انسان تھا . لوگ اس کے پاس سے گزر کر جارہے تھے . بادشاہ نے لوگوں کو آواز دی ، ادھر آؤ بھائی ۔ .لوگ جمع ہو گۓ اور وہ بادشاہ کو پہچان نہ سکے . پوچھا : کیا بات ہے ؟_ بادشاہ نے کہا : آدمی مرا پڑا ہے . اس کو کسی نے کیوں نہیں اٹھایا . کون ہے یہ اور اس کے گھر والے کہاں ہیں لوگوں نے کہا : یہ بہت برا اور گناہ گار انسان ہے ـ تو سلطان مراد نے کہا : کیا یہ امت محمدیہ میں سے نہیں ہے . چلو اس کو اٹھائیں اور اسکے گھر لے چلیں ـ لوگوں نے میت گھر پہنچا دی ـ اس کی بیوی نے خاوند کی لاش دیکھی تو رونے لگی . لوگ چلے گۓ ۔ بادشاہ اور اسکا سکیورٹی انچارج وہیں عورت کا رونا سنتے رہے . وہ کہہ رہی تھی گواہی دیتی ہوں ، بیشک تو اللہ کا ولی ہے . اور میں نیک لوگوں میں سے ہے . . سلطان مراد بڑا متعجب ہوا ۔ یہ کیسے ہوسکتا ہے . لوگ تو اس کے بارے میں یہ باتیں کر رہے تھے اور اس کی میت کو ہاتھ لگانے کو تیار نہ تھے اس کی بیوی نے کہا : مجھے بھی لوگوں سے یہی توقع تھی ـ اصل حقیقت یہ ہے کہ میرا خاوند ہر روز شراب خانے جاتا ، جتنی ہو سکے شراب خریدتا اور گھر لا کر گڑھے میں بہا دیتا . اور کہتا کہ چلو کچھ تو گناہوں کا بوجھ مسلمانوں سے ہلکا ہو اسی طرح رات کو ایک بری عورت کے پاس جاتا اور اس کو ایک رات کی اجرت دے دیتا اور اس کو کہتا کہ ، اپنا دروازہ بند کر لے . کوئی تیرے پاس نہ آئے ۔ گھر آکر کہتا ، الحمد للہ ! آج اس عورت کا اور نوجوان مسلمانوں کے گناہوں کا میں نے کچھ بوجھ ہلکا کر دیا لوگ اس کو ان جگہوں پر آتا جاتا دیکھتے تھے ـ میں اسے کہتی تھی کہ یاد رکھ ! جس دن تو مر گیا لوگوں نے تجھے غسل دینا ہے نہ تیری نماز پڑھنی ہے اور نہ تجھے دفنا نا ہے ۔ وہ مسکرا دیتا اور مجھ سے کہتا کہ ، گھبرا مت ـ تودیکھے گی کہ میرا جنازہ وقت کا بادشاہ ، علماء اور اولیا پڑھیں گے . یہ سن کر بادشاہ رو پڑا اور کہنے لگا : میں سلطان مراد ہوں . کل ہم اس کو غسل دیں گے . ہم اس کی نماز جنازہ بھی پڑھائیں گے اور اس کی تدفین بھی ہم کروائیں گے . چنانچہ اس کا جنازہ بادشاہ علماء اولیاء اور کثیر عوام نے پڑھا . آج ہم بظاہر کچھ دیکھ کر یا محض دوسروں سے سن کر اہم فیصلے کر بیٹھتے ہیں ۔ اگر ہم دوسروں کے دلوں کے بھید جان جائیں تو ہماری زبانیں گونگی ہو جائیں . --

دو بزرگ اور دو پرندے 

 حضرت شفیق بلخی اور حضرت ابراہیم بن ادہم رحمہما اللہ کے درمیان سچی دوستی تھی ، ایک مرتبہ شفیق بلخی اپنے دوست ابراہیم بن ادہم کے پاس آئے اور کہا کہ میں ایک تجارتی سفر پر جا رہا ہوں ، سوچا کہ جانے سے پہلے آپ سے ملاقات کر لوں ، کیوں کہ اندازہ ہے کہ سفر میں کئ مہینے لگ جائیں گے لیکن توقع کے خلاف چند ہی دنوں میں واپس لوٹ آئے اور جب حضرت ابراہیم بن ادہم نے انھیں مسجد میں دیکھا تو حیرت سے پوچھ بیٹھے : کیوں شفیق ! اتنے جلدی لوٹ آئے ؟ 4 کیا حضرت شفیق بلخیؒ نے جواب دیا : حضرت ! میں عرض کروں، راستے میں ایک حیرت انگیز منظر دیکھا اور الٹے پاوں ہی گھر لوٹ آیا ہوا یو کہ ایک غیر آباد جگہ پہنچا ، وہیں میں نے آرام کے لیے پڑاو ڈالا ، اچانک میری نظر ایک پرندے پر پڑی ، جو نہ دیکھ سکتا ہے اور نہ اڑ سکتا ہے ، مجھے اس کو دیکھ کر ترس آیا ، میں نے سوچا کہ اس ویران جگہ پر یہ پرندہ اپنی خوراک کیسے پاتا ہوگا ، میں اسی سوچ میں تھا کہ اتنے میں ایک دوسرا پرندہ آیا ، اس نے اپنی چونچ میں کوئ چیز دبا رکھی تھی ، اس نے آتے ہی وہ چیز معذور پرندے کے آگے ڈال دی اور معذور پرندے نے وہ چیز اٹھاکر کھالی ، اس دوسرے پرندے نے اس طرح کئ پھیرے کیے ، بالآخر اس معذور پرندے کا پیٹ بھر گیا یہ منظر دیکھ کر میں نے کہا : سبحان اللہ ! جب اللہ تعالی اس ویران و سنسان جگہ پر ایک پرندے کا رزق اس کے پاس پہنچا سکتا ہے ، تو مجھ کو رزق کے لیے شہر در شہر پھرنے کی کیا ضرورت ہے ، چناں چہ میں نے آگے جانے کا ارادہ ترک کر دیا اور وہیں سے واپس چلا آیا ۔ یہ سن کر حضرت ابراہیم بن ادہم نے کہا : شفیق ! تمھارے اس طرح سوچنے سے مجھے سخت مایوسی ہوئ ، تم نے آخر اس معذور پرندے کی طرح بننا کیوں پسند کیا جس کی زندگی دوسروں کے سہارے چل رہی ہو ؟ تم نے یہ کیوں نہیں چاہا کہ تمھاری مثال اس پرندے جیسی ہو ، جو اپنا پیٹ بھی پالتا ہے اور دوسروں کا بھی پیٹ پالنے کے لیے کوشش کرتا ہے ؟ - حضرت شفیق بلخیؒ نے یہ سنا تو بے اختیار اپنی جگہ سے اٹھے اور حضرت ابراہیم بن ادہم کے ہاتھ کو چوم لیا اور کہا : ابو اسحاق ! (یہ حضرت ابراہیم بن ادہم کہ کنیت ہے ) تم نے میری آنکھیں کھول دیں ، وہی بات صحیح ہے جو تم نے کہی ہے اس واقعے سے ہمیں دو نصیحتیں معلوم ہوئیں، ایک یہ کہ زندگی میں ہم دوسروں کے لیے کبھی بوجھ نہ بنیں ، اور دوسری یہ کہ ہم ہمیشہ دوسروں کے کام آئیں ، پاکیزہ اور حلال روزی کماکر دوسروں کے لیے سہارا بنیں منقول

علامہ اقبال اور کمر پر ہاتھ

  کہتے ہیں کہ علامہ اقبال رحمہ اللہ کے پاس ایک دہریہ آیا اور خدا کی ذات کے انکار پر تین دن تک بحث کرتا رہا۔ علامہ اقبال وجود باری تعالیٰ پر دلائل دیتے اور اسے قائل کرنے کی ہر ممکن کوشش فرماتے رہے، مگر جب اس دہریہ نے مان کر ہی نہیں دیا تو آخرکار علامہ نے فرمایا: چلو آج میں تمہیں کسی مرد قلندر کے پاس لے جاتا ہوں، شاید وہ تمہاری تقدیر بدل دے چنانچہ علامہ اقبال اس دہریے کو سلسلہ نقشبندیہ کے عظیم بزرگ: حضرت میاں شیر محمد شرق پوری رحمہ اللہ کی بارگاہ میں لے گئے۔ جونہی وہ دہریہ حضرت میاں صاحب کے دربار میں پہنچا تو میاں صاحب نے اس کی کمر پر ہاتھ مارا اور کہا: کیوں بھئی! رب ہے کہ نہیں؟ یہ سنتے ہی اس دہریے نے بغیر کسی کلام و دلیل کے تسلیم کر لیا کہ واقعی ایک خدا موجود ہے۔ کہتے ہیں کہ یہ شعر علامہ اقبال نے اسی موقع کی مناسبت سے لکھا تھا: کوئی اندازہ کر سکتا ہے اس کے زور بازو کا* *نگاه مرد مومن سے بدل جاتی ہیں تقدیریں* بیعت کی تشکیل اور تربیت صفحہ 231

حضرت مولانا سید عطاء اللہ شاہ بخاری رحمہ اللہ ہندوستان میں رام پور جیل میں تھے، جیل میں اناج دیا گیا کہ ان کا آٹا پسواو کہا گیا عطاء اللہ تم باغی ہو اس لئے تمہاری یہی سزا ہے کہ تم آج چکی پیسو۔ " عطاء اللہ شاہ بخاری رحمہ اللہ فرماتے ہیں کہ مجھے مزہ آیا، میں نے رومال اتار کر رکھ دیا، وضو کرکے بسم اللہ پڑھ کر میں نے چکی بھی پیسنی شروع کر دی، اور ساتھ میں سورہ یاسین کی تلاوت بھی شروع کر دی۔ عطاء اللہ شاہ بخاری رحمہ اللہ فرماتے ہیں کہ جب میں نے قرآن کو آواز کے ساتھ پڑھنا شروع کیا تو اس وقت جیل کا سپریٹینڈینٹ قریب تھا وہ نکل کر آیا اور قریب آکر روتا ہوا کھڑا ہو گیا اور جیل کا دروازہ کھلوا دیا، کہنے لگا، عطاء اللہ تجھے تیرے نبی کی قسم، بس کر اگر تو نے دو آیتیں اور پڑھ لی تو میرا جگر پھٹ جائے گا۔ یہ تھا انگریز پر قرآن سننے کا اثر ۔“ اللہ حضرت مولانا سید عطاء اللہ شاہ بخاری کی قبر کو نور سے منور فرما آمین۔۔