Aur is me koi shak nahi k Hazrat Muhammad SAWW azal bashar hain bulkay afzal Ikhlaaq hain. Aap SAWW ne farmaya, "Main qayamat k din aulad-e-Adam ka sardaar hounga aur koi fakhar nahi... Main qayamat k roz sab se pehlay hosh me aounga aur daikhounga k Musa Arsh ka Paya (pillar) pakray houngay. Tau mujhay pata na chaly ga k Musa mujh se pehlay hosh me aye ya Toor ki be-hoshi k badlay sahi hi rahay.." Allah Ta'ala ka farmaan hai k, Ae Musa Main ne aap ko logoun per apni Rasalat aur Apnay sath hum-kalami ki wajah se chunn lya hai... Iska matlab hai k Musa k zamanay me mojoud tamam insanoun me se Musa ko sab per fazilat di gae, na k pehlay aur baad k logoun k aitabar se. Kioun k un se pehlay Hazrat Ibrahim A.S un se afzal thay. Jaisay k Ibrahim A.S k qissay me pehlay biyan kar chukay hain. Aur isi trah Musa A.S k baad Hazoor Pak SAWW tau sab se hi afzal o bartar thay. Jaisay k Aap SAWW ka sharf "Meraj" ki raat tamam Anbiyah o Rusal per zahir hua..