Malika Bilqees ka baap baray badsha’houn me se guzra hai. Us ne ehad kia tha k ahl-e-Yaman ki ksi aurat se shadi na karounga. Tau phir us ne aik jinni (jin) se shadi ki. Jis se ye larki Bilqees paida hue. Bilqees ki maa ka naam ‘Rehana binte’ Sakan’ tha aur Bilqees ka sahi naam “Talqamah” tha. Tau Bilqees ki maa insan nahi thi, bulkay “Jin-zadi” thi. (means Hazrat Suleman ki saas Jin’oun ki qaum se thi) Hazrat Suleman ka letter panay k baad Bilqees ne apnay sab umrah-o-wuzrah ko bulaya aur khat parh kar sunaya… “Beshak, Khat Suleman ki traf se hai aur beshak Allah k naam se hi shru karta houn, bara meherban aur nihayat reham Wala hai. Tum log mujh per bara’ai na karo aur tabe’daar ho kar mere paas chalay aao..” Letter sunanay k baad aur sab se advices k baad Bilqees ne beshumar tuhfay jo k azeem khazanoun per mushtamil thay, Suleman ko bhejwaye. Laiken us ko maloom na tha k Hazrat Suleman Musalman hain aur wo is kafirah se koi hadya qabool na karaingay. Tau aap ne tuhfay laanay waly ko tuhfay wapis kar dye aur kaha k “hamaray pass Allah ka dya hua is se kahin zyada mojoud hai. Aur ab hum tumharay pass baray zabardast lashkar laiker arahay hain, jin se muqablay ki tum me bilkul himmat nahi hai…” Tau jab Allah k Prophet ki traf se ye farman-e-JalaliBilqees aur us ki qaum ko phuncha tau unko siwae aajizi-o-inkasari se jhuk Janay aur haar maan lainay k elawa koi aur chara na tha. Tau Malika Bilqees ne Hazrat Suleman ko wapis likh bheja k aap hum se behtar hain beshak aur milnay k lye Janay ka irada zahir kia. Hazrat Suleman ne jab un k anay ki khabar suni tau aap ne jin’oun ko aik hukm farmaya, jis ka detail zikr Kalam-e-Ilahi me aya hai