غریب بندہ اور جنت ۔۔۔۔ کل میرے خالو مسجد کے باھر اپنے پیلے چنگ چی میں بیٹھے ھوئے سواریوں کا منہ تک رھے تھے اور سواریاں انکا منہ چڑا کر دوسرے رکشے پر یہ جا اور وہ جا ۔۔۔۔ ایسا کیوں ھوا اللہ جانے لیکن میں ان کے رکشے پر فرضی سواری بن کر بیٹھ گیا اور ان سے گپ شپ کرنے لگا ۔۔۔۔ خالو معاشی تنگی کا دکھڑا سنانے میں مشغول تھے کہ اچانک میں نے سوال داغ دیا ۔۔۔ خالو ، ایک بات بتائیں ۔۔۔۔ آپ روزانہ کتنا کما لیتے ھیں ۔۔۔ کہنے لگے ۔۔۔۔ چار پانچ سو روپیہ بس ۔۔۔ میں نے عرض کیا ۔۔۔ کہ کتنے عرصے سے یہی حال ھے ۔۔۔۔ کہنے لگے ۔۔۔۔ سات آٹھ سال سے رکشہ چلا رھا ھوں ۔۔۔۔ پوچھا ۔۔۔۔ ان بیتے سالوں میں کبھی گھر فاقہ ھوا ۔۔۔ گویا ھوئے ۔۔۔ نھیں ۔۔۔۔ اب میں نے پوچھا ۔۔۔ رات کو نیند کیسی آتی ھے ۔۔۔ کہنے لگے ۔۔۔۔ سر تکیے پر رکھا اور پھر تمھاری خالہ صبح بچوں کے اسکول ٹائم سے کچھ دیر پہلے اٹھاتی ھے ، اسوقت پتہ چلتا ھے کہ زندہ سلامت ھوں ۔۔۔ پوچھا ۔۔۔ کسی کا قرض دینا ھے ۔۔۔ کہنے لگے ۔۔۔ اللہ نے بچاہا ھوا ھے۔۔۔ تب میں نے کہا ۔۔۔ کہ جب آپکو ذھنی سکون میسر ھے ، فاقوں سے بچے ھوئے ھیں ، نیند جیسی نعمت آپ پر مہربان ھے قرض جیسی مصیبت سے پالا نھیں پڑا ، تب آپکے کرنے کا کام صرف ایک ھے خدا قسم جنتی ھو گے ۔۔۔ حیرت سے میرا منہ تکنے لگے اور پوچھا ۔۔۔۔ وہ کیسے ۔۔۔ عرض کی ،۔۔۔۔ کہ سارا دن رکشے پر ھوتے ھو نہ غیبت ، نہ جھگڑا ، نہ گالم گلوچ ، جھوٹ آپ بولتے نھیں ، حج آپ پر فرض نھیں ، اللہ کروا دے تو سونے پہ سہاگا اسکا فضل ھو گا لیکن نہ کرنے کا گناہ نھیں ھے ، زکوۃ کا نصاب آپ کے پاس نھیں وہ بھی فرض نھیں ، روزے سال میں تیس دن رکھنے ھیں اور کلمہ آپ نے پڑھ رکھا ھے رہ گئی نماز تو پانچ وقت نماز پڑھ لیا کرو جنت پکی ۔۔۔۔۔۔۔ بہت خوش ھوئے اور مجھ سے نماز پڑھنے کا وعدہ کر لیا ۔۔۔ وعدے کا ھاتھ چھوٹا نھیں تھا کہ سواری مل گئی ۔۔۔۔ اب فرضی سواری کی کیا حاجت ....... انکل جی .....اللہ حافظ ۔۔۔